December 12, 2009

”დიდი რეაბილიტაცია“ კანალიზაციის გარეშე [video]

იძულებით გადაადგილებულ პირთა მიმართ სახელმწიფო სტრატეგიის სამოქმედო გეგმა კოლექტიური ცენტრების რეაბილიტაციასა და დევნილი ოჯახებისათვის სიმბოლურ ფასად (ერთ ლარად) მათ საკუთრებაში გადაცემას ითვალისწინებს.

ამავე გეგმის მოხედვით ”რეაბილიტაციის სტანდარტებისა და კრიტერიუმების შექმნაზე მუშაობისას მხედველობაში იქნება მიღებული მუნიციპალური განვითარების ფონდის მიერ გამოყენებული სტანდარტი, რომლის მიხედვითაც საცხოვრებელი ფართის სიდიდე საშუალოდ შეადგენს 40 კვადრატულ მეტრს საშუალო ოჯახზე (3-4 ადამიანი).

როგორც წესი, ყოველ ოჯახს ექნება საკუთარი სანიტარული კვანძი. იქ, სადაც ფართი არ იძლევა ხსენებული სტანდარტის დაკმაყოფილების საშუალებას, სავარაუდოდ, ორ ან მეტ ოჯახს ექნება საერთო სველი წერტილი. რეაბილიტაციის პროცესთან დაკავშირებული გადაწყვეტილებები მიღებულ იქნება დევნილთა ინტერესების მაქსიმალური გათვალისწინებით და დევნილების მონაწილეობით.

თანხები ძირითადად აკუმულირებული იქნება მუნიციპალური განვითარების ფონდში, რომელიც გამოაცხადებს ტენდერებს და გააფორმებს ხელშეკრულებებს შემსრულებელ კომპანიებსა და ორგანიზაციებთან“.

სწორედ ამ უკანასკნელი პირობის მიხედვით ზუგდიდის რაიონში დევნილთა სახლების სარეაბილიტაციო სამუშაოების ჩატარების უფლება შპს ”ბლოკ-ჯორჯიამ“ მოიპოვა.

იმის გასარკვევად, თუ რა შედეგით დასრულდა მაისში დაწყებული ”დიდი რეაბილიტაციის“ პროცესი, ”პრესა.გე“-მ სოფელ ინგირში არსებული ობიექტები მოინახულა.

ორ, ოთხსართულიან შენობაში 80-მდე დევნილი ოჯახია ჩასახლებული. ერთი შეხედვით შელამაზებული ფასადის მიღმა უამრავი პრობლემა აღმოჩნდა, თუმცა არც წინხედი იყო ”შეულახავი“- ქარის შედეგად ახდილი თუნუქის სახურავი დევნილებს ”ამაყად დასცქეროდა.“ სახლის გვერდებიდან კი ჩამორღვეული ე.წ ”ჟოლობები“ ჩანდა.

როგორც ”პრესა.გე“-მ აღმოაჩინა, მყარად არც სახლები იდგა- ოთხსართულიანი სახლის სარდაფები წყლით გავსებულა...ეზოში კი უცხოელების ”ნაჩუქარი“ რვაგანყოფილებიანი საპირფარეშო ”წამოჭიმულა“, საიდანაც ფეკალური მასები პირდაპირ ეზოში იღვრებოდა.

როგორც დევნილები ამბობენ, საპირფარეშო, სადაც დილა-საღამოს თითქმის 150-კაციანი რიგი დგას, მხოლოდ ერთხელ დასუფთავდა...

ეს ყველაფერი კი დევნილთა სახლში საკანალიზაციო სისტემისა და წყალგაყვანილობის არარსებობამ გამოიწვია. როგორც ”პრესა. გე“-მ გაარკვია დევნილების დიდი ნაწილი, რომლებიც რემონტის განმავლობაში თავს ნათესავებს აფარებდნენ, ან ქირით ცხოვრობდნენ. სახლებში დაბრუნებას კი სწორედ ამ პრობლემის გამო აყოვნებენ.

”ხარისხი?! მაქსიმუმ ევრორემონტი გააკეთეს. უბრალოდ, ტუალეტი არა, კანალიზაცია, წყალი არა და ყველაფერი ევროდონეზეა გაკეთებული. დიდი მადლობა სააკაშვილს!“-ირონიით აცხადებდა დევნილი მამაკაცი.

ოთარ ქუთელია, დევნილი გუდავადან: ”რაცაა გასაკეთებელი, ის უნდა გააკეთონ, თუ არადა ჰქონდეთ ეს შენობა მაგათ, მოვიდეს კომისია და ნახონ რა აქვთ გაკეთებული. სად დაიხარჯა ეს ჩვენი ფული? სააკაშვილის არ არის ეს ფული, მსოფლიოს გამოგზავნილია“.

რომ არაფერი ვთქვათ საპირფარეშოზე, უწყლოობამ პირველ რიგში დიასახლისები შეაწუხა, რომლებიც თეთრეულისა და ჭურჭლის სარეცხ წყალს მაღალ სართულებზე ეზოდან ეზიდებიან, შემდეგ კი ჭუჭყიანი წყალი ისევ დაბლა ჩააქვთ...

შპს ”ბლოკ-ჯორჯიას“ ზუგდიდის უბნის უფროსი, რეზო მოლაშხია აცხადებს, რომ წყალგაყვანილობითა და კანალიზაციით დევნილების დაკმაყოფილება მათი საზრუნავი არ ყოფილა, რადგან ეს სამუშაოები იმ კომპანიას უნდა შეესრულებინა, ვინც ტენდერში გაიმარჯვა. ამის უფლება კი უკვე ”საქჰიდრომშენს“ აქვს, რომელიც სამუშაოს ალბათ მალე დაიწყებს.

იმ სამუშაოს შესახებ კი რომელიც ”ბლოკ-ჯორჯიამ“ შეასრულა, მოლაშხიას ”საკუთარი“ ვერსია აქვს. ის დარწმუნებულია, რომ ”დიდი რეაბილიტაცია“ წარმატებით დასრულდა... ახდილი სახურავის თემა კი მან თბილისის საერთაშორისო აეროპორტის ანალოგით ”გააპრავა“.

რეზო მოლაშხია: ”თბილისის აეროპორტს სახურავი ხუთჯერ ახადა ქარმა. იცით ეს თქვენ? მანდ თუ მართლა მოხდა ეს ამბავი, მე მართლა პასუხს ვაგებ, მაგრამ ”პრარაბიც“ არ დარჩება იქ...როგორ, ”ჟოლობიც“ ჩამოინგრა სპეციალურად ხომ არ გააკეთეს კაცო ეს ყველაფერი დღეს?..“

ბატონი რეზო ”პრესა.გე“-სთან პირობას დებს, რომ დღის ბოლომდე ”პრობლემა გამოსწორდება“, უფრო მეტიც, იგი ”ერთობლივ შემოწმებასაც“ გვპირდება...

უფრო უპრიანია, ყველამ, ”ბლოკ-ჯორჯიამ“, დევნილთა და განსახლების სამინისტრომ, მუნიციპალური განვითარების ფონდმა და უბრალო მუშამაც პირველ რიგში საკუთარი სინდისი ”შეამოწმოს“ და საკუთარი კერიიდან გამოყრილი დევნილები ადამიანურად დააბინავოს.

ჟურნალისტები კი სხვა ობიექტებსაც ”მაკონტროლებლის“ გარეშე შემოივლიან, სადაც, როგორც ამბობენ, მსგავსი პრობლემები უხვად არსებობს.
[წყარო: პრესა.გე]




[ ... ]

"გოგონა სლაიდიდან-ს" პრემიერა [video]

90-60-90-ზე, ანუ "გოგონა სლაიდიდან" - გიგა აგლაძის ფილმი. ზუზუს ბევრი ფული აქვს და ბევრი გოგო ჰყავს, მაგრამ იმ ერთადერთმა მას ყველაფერი შეუცვალა!.. რაა?!.. ნახეთ 9 დეკემბრიდან კინოთეატრებში. ძალიან საინტერესოა.




[ ... ]

October 22, 2009

საქართველოს საპატრიარქოს განცხადება[video]

საქართველოს კათოლიკოს-პატრიარქის, უწმინდესისა და უნეტარესის, ილია მეორის წინააღმდეგ ინტერნეტით გავრცელებული შეურაცხმყოფელი ვიდეორგოლების გამო საპატრიარქომ საგანგებო განცხადება გააკეთა. ბრიფინგი საპატრიარქოს პრესსამსახურის ხელმძღვანელმა, მამა დავით შარაშენიძემ გამართა.






[წყარო: itv]

[ ... ]

ნინი შერმადინის ვარსკვლავური კიბის დასაწყისი [video]

stars.ge:რამდენიმე თვის წინათ რუსთავიდან სალონიკში მეუღლესთან, ვაჟიკო ციცაგთან ერთად გადასახლებული ქართველი მომღერალი ნინი შერმადინი პოპულარული რეალითი შოუს “იქს-ფაქტორის” წევრი გახდა, ეს სწორედ ის მუსიკალური პროექტია რომელში მონაწილეობამაც თავის დროზე უდიდესი წარმატება მოუტანა საბერძნეთის ქართველ ვარსკვლავს თამთა გოდუაძეს. წყვილმა წლის და ორი თვის შვილი საქართველოში დროებით, ბებოსთან გასაზრდელად დატოვა და თამამად შეუდგა დიდებსიკენ მიმავალი გზის გავლას და უეჭველი ვიცით, რომ ნინი შერმადინი ნოემბრის დასაწყისისდან არამხოლოდ ბერძნული პოპ-მუსიკის ვარკვლავობისკენ მიმავალ გზას დაადგება, არამედ მსოფლიო ესტრადაც მალე დააფასებს ამ უნიჭიერესი მომღერლის მონაცემებს. ჩვენი საიტი ექსკლუზიურად გთავაზობთ ნინის გამოსვლის ვიდეოჩანაწერებს და შევეცდებით ნინის ყოველი წარმატებული ნაბიჯის შესახებ, ყველა ვიდეომასალა უპრობლემოდ წარმოგიდგინოთ. “იქს-ფაქტორში” 15.000 მსურველიდან უმკაცრესი ჟიურის გადწყვეტილებით 14 საუკეთესო აირჩა, რომელთა შორისაც ნინი შერმადინი პირველია, რომელმაც უითნი ჰიუსტონის სიმღერის თავისი შესრულების მანერით მოხიბლა ჟიურის ყველა წევრი (იხ.ვიდეო). პროექტის შარშანდელ გამარჯვებულს ორგანიზატორებმა 150.000 ევრო და ბინა გადასცეს ათენში, მეორე ადგილზე გასულს – 100.000 და პრომო-დისკი ჩაუწრეს, ხოლო მესამე ადგილზე გასულს 50.000 ევრო ხვდა წილად, ეს თანხები თავისთავად მეტყველებს ამ მუსიკალური პროექტის მაშტაბურობაზე და ხარისხზე. “ვარსკვლავები” წარმატებას უსურვებს ნინი შერმადინს, გამარჯვება და ახალი შემოქმედებითი მწვერვალების დაპყრობა ყოფილიყოს მისი შრომის და ნიჭის შედეგი.


[ ... ]

October 20, 2009

ზუგდიდში „საკნების“ აქცია შეწყდა [video]

დღეს, ზუგდიდს ოპოზიციის ერთერთი ლიდერი ლევან გაჩეჩილაძე ესტუმრა, პრესკონფერენციაზე, რომელიც ქალაქის ცენტრში გაიმართა გაჩეჩილაძემ საზოგადოებასსაკნებისაქციის დასრულების შესახებ ამცნო:

ვფიქრობ, რომ ზუგდიდში პროტესტის ამ ფორმამ ამოწურა თავისი ფუნქცია, ამიტომ მივიღეთ გადაწყვეტილება, რომ საკნები ავიღოთ. სამეგრელოში, მთელი ყურადღება უნდა დაეთმოს ორგანიზაციადაიცავი საქართველოშიმოქალაქეთა რეგისტრაციას. მინდა დიდი მადლობა მოვუხადო, კახა მიქაიას და მის თანამებრძოლებს, რომლებიც 6 თვის განმავლობაში პროტესტს უშიშრად გამოხატავდნენ“ – განაცხადა ლევან გაჩეჩილაძემ და მოგვიანებითდაიცავი საქართველოსზუგდიდის ოფისში მოსახლეობასთან შეხვედრა გამართა.

ბრძოლა გრძელდება, მართალია სახვა ფორმით მაგრამ არ მოვისვენებთ სააკაშვილის ხელისუფლების დამთავრებამდე“ – აღნიშნასაკნებისაქციის ორგანიზატორმა კახა მიქაიამ.

[ ... ]

ობიექტური გადაწყვეტილების მოლოდინში[video]

ქუთაისელმა ჟურნალისტებმა ადგილობრივი თვითმმართველობის წინ აქცია გამართეს. ტელეკომპანია რიონის დაღუპულ ჟურნალისტთა მშობლები არ გამორიცხავენ, რომ სასამართლო მიკერძობულია. ისინი რევაზ ტყეშელაშვილის დასჯას ითხოვენ.

[ ... ]

ნინი შერმადინმა ბერძნულ ჯეოსტარში "გაიმარჯვა"[video]

ნინი შერმადინი საბერძნეთის ტელე-პროექტის მონაწილე გახდა! ქართველი ვარსკვლავი მალე ევროპის სცენებს დაიპყრობს!

 

 

 

[ ... ]

October 9, 2009

აქციამ ზუგდიდში ”ანგარიში ხალხს” მხოლოდ ოპოზიცია გააღიზიანა [video]

ის, რაც საქართველოს მთავრობისთვის მიღწევად მიიჩნევა და ”ანგარიში ხალხს” ჰქვია, ოპოზიციამ სააკაშვილის ნოსტალგიური ვნებების დაკმაყოფილებად შეაფასა.

ზუგდიდის ”საკნებიდან” რამდენიმე მეტრში, თითქმის ნახევარი კილომეტრის მანძილზე გაშლილმა ”საქართველოს მთავრობის მიღწევებმა” საპროტესტო აქციის მონაწილეებს კომუნისტური რეჟიმი გაახსენა.

აქციის ორგანიზატორმა კახა მიქაიამ კი ”ანგარიში” ”ВДНX”-ს ცნობილ გამოფენას შეადარა.

კახა მიქაია: ”მართლა თუ უნდა სააკაშვილს ანგარიში ჩააბაროს ხალხს და დიალოგი გამართოს მასთან, ილაპარაკოს იმაზე, თუ როგორ დაკარგა ტერიტორიები, როგორ წამოეგო რუსეთის პროვოკაციას, წააგო ომი, გაანადგურა ქართული ჯარი, როგორ მიმდინარეობს საქართველოში დემოკრატიული ინსტიტუტების რღვევა, როგორ ირღვევა ადამიანის უფლებები, რამდენი პოლიტპატიმარი ჰყავს მას ციხეში... როგორ აქცია მან ჩვენი სამშობლო ყვარყვარეს ციხედ და რა მდგომარეობაშია მედია... რაც შეეხება იმ საკენკს, რომელიც ამ პიარ-აქციის სახით დაუყარა სააკაშვილმა და მისმა ხელისუფლებამ ზუგდიდელებს, ვურჩევ თავად აკენკონ”.

ოპოზიციის განწყობაზე რომ არაფერი ვთქვათ, ხელისუფლებას 22 სექტემბერს ზუგდიდში ნამდვილად არ გაუმართლა. გადაუღებელმა წვიმებმა დამთვალიერებელთა რიცხვი შეამცირა, თუმცა ქვეყნის თავდაცვის მინისტრი, რომელიც თავს მასპინძლადაც გრძნობდა, საპირისპიროს ამტკიცებდა.

ბაჩო ახალაია: ”შემიძლია გითხრათ, ყველგან ეგრეა, ძაან დიდი ინტერესია. ჩემი შთაბეჭდილება ზუსტად ისეა, რასაც ველოდი. ინტერესი არის, მიუხედავად წვიმისა, ხალხი მაინც მაინც ათვალიერებს თავდაცვის სამინისტროს მიღწევებს”.

ბაჩო ახალაიამ სიტყვაძუნწობა არჩია, მაგრამ სოფლის მეურნეობის მინისტრის მოადგილემ, ალეკო ცინცაძემ ”ბევრი ილაპარაკა.” მან საუბარში გურული იუმორის ელემენტებიც ჩართო და ”მდგომარეობიდან გამოძვრა”.

ორივე სამინისტრო ქალაქის მთავარ მოედანზე, პირდაპირ თუ ირიბად, ფართოდ იყო წარმოდგენილი. საბრძოლოს, არც სოფლის ტექნიკა ჩამოუვარდებოდა. თუ ახალაიამ ლამის ”გრადები” განალაგა, ცინცაძემ, როგორც თავად აღნიშნა, ”ნოუჰაუ” ტრაქტორები ჩაამწკრივა... ახალაიას შემდეგ ის ერთადერთი მინისტრის მოადგილე იყო, ვინც ”მისი” სამინისტროს პავილიონთან ”ტრიალებდა”.

ალეკო ცინცაძე: ”მე ბევრს ვილაპარაკებ, თან ლაპარაკი და თან საქმის კეთება არ გამოდის თუ რა?! მე მახსოვს, გურიაში ჩაის კრეფა რომ მიდიოდა და საკმაოდ სერიოზული, სიმღერ-სიმღერით იკრიფებოდა და მაშინ რომ მეთქვა, კარგად ვმღერი-მეთქი, მეტყოდნენ საქმის გამკეთებელი არ ხარო... არა, ვლაპარაკობთ კიდეც რაც ხალხს აინტერესებს. ის კი არა, უბრალოდ, რომ ვლაპარაკობთ, ვეუბნებით, რა გავაკეთეთ, რას ვაპირებთ და შესაბამისად ვმსჯელობთ...”

მინისტრის მოადგილეს მართლაც მხოლოდ ახსოვს გურიაში ჩაის პლანტაციების არსებობა და იგი ამ საკითხზე იმ მეგრელ გლეხთან მსჯელობდა, რომელსაც ასევე კარგად ახსოვს ეს კულტურა. ”ასე უცებ ხომ არ გადაწყდება ეს ამბავი. ჯერჯერობით პასუხს მაძლევენ და ეს მაკმაყოფილებს, ცხადია შედეგი თუ მოჰყვა”, - ამბობდა ზუგდიდელი კაცი.

მთავრობის შეთავაზებული ”სანახაობით”, ზუგდიდში ბევრი ადამიანი კმაყოფილი დარჩა. ყოველ შემთხვევაში ის, ვინც იქ მივიდა. მიმსვლელთა ძირითადი ნაწილი კი, ახალგაზრდა ყმაწვილები იყვნენ, რომლებიც წვიმისაგან გაწუწულ-გალუმპულები საბრძოლო ტექნიკასთან, მობილური ტელეფონის ობიექტივში პოზირებდნენ...

სამხედრო ჯავშან-ტექნიკით დაინტერესება ერთმა ზუგდიდელმა ასაკოვანმა მამაკაცმაც გამოხატა, რომელმაც ვერ გაარკვია, თანხები ”ჩვენებას” მოხმარდეს თუ შეარაღებას. ”ჩვენი უპირველესი ამოცანაა ქვეყნის თავდაცვა. რაც უფრო ხშირად მოეწყობა ეს, ხალხი ნახავს, მან უნდა გაიგოს რას აკეთებს ჩვენი მთავრობა მის საკეთილდღეოდ. ჩემი აზრით მეტი უნდა დაიხარჯოს იმიტომ, რომ ჩვენი თავდაცვისუნარიანობა განმტკიცდეს.” - ამბობს მურთაზ რაფავა.

უკვე ”განმტკიცებულ” შს სამინისტროს პავილიონთან, როგორც მოსალოდნელი იყო, დამთვალიერებელთა ყველაზე მცირე რაოდენობა მივიდა. ეს ის ადგილია სადაც შსს წარმომადგენელს ზუგდიდელებთან ერთად ”პრესა. გე”-ც ეძებდა. პავილიონთან მყოფი რამდენიმე ახალგაზრდა, ადმინისტრაციის წარმომადგენელს ”უშედეგოდ” ეძებდა... წერილების ურნაშიც სავარაუდოდ მხოლოდ ერთი ბარათი ჩავარდა-7 წლის წინ მოკლული პოლიციელის, ზაზა ქებურიას დედა დამნაშავის დასჯას ვანო მერაბიშვილისგან ელის...

საინტერესო ”სამთავრობო ჩვენებაში” ისიც იყო, რომ ”პრესა.გე”-მ ე.წ. პავილიონებთან ვერცერთი კრიტიკულად განწყობილი ზუგდიდელი ვერ აღმოაჩინა...

[ნანა ფაჟავა, ზუგდიდი. presa.ge]


[ ... ]

October 8, 2009

მაესტრო იხურება? [video]

ტელეკომპანია "მაესტრომ" შესაძლოა მაუწყებლობა შეწყვიტოს. ტელეარხის თავისუფალი მაუწყებლობისთვის პრეზიდენტის მიერ გაეროს ტრიბუნიდან გახმიანებული გარანტიები და მარეგულირებელი კომისიის მიერ ორი თვის წინ გაცემული ლიცენზია როგორც ჩანს საკმარისი არ აღმოჩნდა. განცხადება, რომ მაესტრო შესაძლოა დაიხუროს, არხის დამფუძნებელმა მამუკა ღლონტმა გააკეთა.


[ ... ]

ეკონომიკური ლიბერალიზმის ტყავში გახვეული პრეზიდენტი [video]

როგორც ჩანს, პრეზიდენტის ადმინისტრაციაში არჩევნების სიომ დაბერა. ისიც ჩანს, რომ წინაასრჩევნო კამპანიაში ეკონომიკურ მიმართულებას მთავარი როლი მიენიჭება. რადგანაც საზოგადოებაში მთავრობის იმიჯი ნულია, ეკონომიკურ ინიციატივებს უკვე თავად პრეზიდენტი აჟღერებს.
პრეზიდენტი სააკაშვილი ბიუჯეტთან დაკავშირებით რამდენიმე საკონსტიტუციო ინიციატივით გამოვიდა. მისი აზრით, კონსტიტუციით უნდა განისაზღვროს, რომ საბიუჯეტო ხარჯების შეფარდება მთლიან შიდა პროდუქტთან 30%-ზე მეტი არ იქნება. ასევე კონსტიტუციურად უნდა დაფიქისრდეს, რომ ბიუჯეტის დეფიციტის შეფარდება მთლიან შიდა პროდუქტთან იყოს არაუმეტეს 3%, ხოლო სახელმწიფო ვალის შეფარდება მთლიან შიდა პროდუქტთან - არაუმეტეს 60%.
“თანამედროვე ისტორიაში იშვიათად მოიძებნება ისეთიშემთხევები, როდესაც მთავრობა თავად მიისწრაფვის საკუთარი თავის შეზღუდვისკენ, მონიტორინგისკენ და კონტროლისკენ. ჩვენი პრინციპია, ქამრების შემოჭერა და არა ხალხისა და ბიზნესმენებისთვის ყელში წაჭერა. ფისკალური პასუხისმგებლობა დემოკრატიული მმართველობის ფუნდამეტალური ვალდებულებაა” - აღნიშნა სააკაშვილმა პარლამენტში “ეკონომიკური თავისუფლების აქტის წარდგენისას.
საქართველოს პრეზიდენტის მომხრეა, რომ სახელმწიფო ამა თუ იმ გადასახადის გაზრდისა თუ ახალი გადასახადის და წესების გადაწყვეტილება ხალხთან თანხმობის გარეშე არ მიიღოს. ნებისმიერი გადასახადის შემოღება ან საგადასახადო განაკვეთის გაზრდა მხოლოდ რეფერენდუმის გზით უნდა გადაწყდეს. მისი თქმით, ვარდების რევოლუციის შემდეგ სახელმწიფომ გადასახადების შემცირებით შემოსავლები მნიშვნელოვნად გაზარდა და სახელმწიფოს ეს ვალდებულებები უცლელი უნდა იყოს.
გარდა ამისა, სააკაშვილი გამოვიდა ინიციატივით, აიკრძალოს სახელმწიფო მარეგულირებელი ახალი ორგანოების შექმნა. “თავისუფლების აქტით უნდა აიკრძალოს ახალი სახელმწიფო მარეგულირებელი ორგანოების შექმნა, რომ ვერასოდეს ვერავინ ვერ გააჩინოს ახალი პარაზიტები რომელიმე პოლიტიკური ჯგუფის დაკმაყოფილების მიზნით”, - განაცხადა პრეზიდენტმა და დასძინა, რომ აკრძალვა უკვე მოქმედ მარეგულერებელ ორგანოებს არ შეეხებათ.
პრეზიდენტის ინიციატივები მყისვე აიტაცა მთავრობამ. ფინანსთა მინისტრის კახა ბაინდურაშვილის განცხადებით, ეს ნიშნავს, რომ კერძო ბიზნესს უპრეცედენტო თავისუფლებას ეძლევა.
“ახალი ინიციატივის მთავარი იმაში მდგომარეობს, რომ ეკონომიკა იყოს ლიბერალური. სახელმწიფოს ჩარევა ეკონომიკაში იყოს მინიმალური, ზოგიერთ სექტორში კი საერთოდ აიკრძალოს კიდეც, ხოლო მიმდინარე და განხორციელებული რეფორმები იყოს შეუქცევადი”, - აღნიშნა ფინანსთა მინისტრმა.
მისი თქმით, ერთ-ერთი მთავარი ახალ ინიციატიავში არის ის, რომ გადასახადების ნებისმიერი ზრდის ან ახალი განაკვეთების დაწესების გადაწყვეტილები მიღება მთლიანად გადადის ხალხზე. “ეს არის აბსოლიტურად უპრეცედენტო, როცა მთავრობა იხსნის ამ პრეროგატივას და რეფერენდუმის გზით ხალხი გადაწყვეტს გადასახადების გაზრდის საკითხს”, - აცხადებს ბაინდურაშვილი.
ქართველ ექსპერტებს პრეზიდენტის სიტყვების ნაკლებად სჯერათ, რადგან ასეთი ინიცაიტივები და დაპირებები უკვე არაერთგის მოუსმენიათ. ექსპერტი ეკონომიკის საკითხებში ლადო პაპავა საქართველოს პრეზიდენტის მიხეილ სააკაშვილის მიერ საკანონმდებლო ორგანოში გამოცხადებულ ახალ ინიციატივებს “წმინდა წყლის პოპულიზმად” აფასებს.
მისი აზრით, სააკაშვილის მიერ წამოყენებული ინიციატივები საზოგადოების ყურადღების სხვა საკითხებზე გადატანას ემსახურება. “ვიზიარებ მოსაზრებას, რომ ბიუჯეტის დეფიციტის შეფარდება მთლიან შიდა პროდუქტთან 3%-ს არ უნდა აღემატებოდეს, მაგრამ ამის კონსტიტუციაში ჩაწერა მიზანშეწონილად არ მიმაჩნია, რადგან შესაძლოა, იყოს პერიოდი, როდესაც ეს დეფიციტი 3%-ზე მეტი აღმოჩნდეს.
გარდა ამისა, ის, რომ ახალი სახელმწიფო მარეგულირებელი ორგანოები არ უნდა შეიქმნას, ესეც ვიცით, მაგრამ ამის კონსტიტუციაში ჩაწერა სწორი არ არის, რადგან მისი შექმნა რაღაც ეტაპზე, შესაძლოა, საჭირო გახდეს”, - განაცხადა პაპავამ.
გია ხუხაშვილის აზრით კი, პრეზიდენტის ინიციატივები უკვე აშენებეული შენობის ფასადის ღებვას ჰგავს. მისი აზრით, საქართველოს ეკონომიკაში გაცილებით სიღრმისეული პრობლემები არსებობს.
“მარეგულირებელი კომისიები უნდა არსებობდეს მხოლოდ მონოპოლიურ სისტემებში, ესენია ტელეკომუნიკაციები და ენერგეტიკა. ბუნებრივია, სხვა სფეროში რეგულაცია ნორმალურ ქვეყნებში ისედაც არ არის და ამ ტიპის აკრძალვის ეკონომიკის სტიმულირების თვალსაზრისით განხილვა სრულიად უადგილოა”, - განაცხადა ექსპერტმა.
ქვეყნაში არსებობს სისტემური პრობლემები და ამ ყველაფრის გამომწვევია - სასამართლო, სადაც მეწარმეს თავის დაცვა უნდა შეეძლოს ხელისუფლების განუკითხაობისგან და კონკურენტული პირობების არარსებობა.
“ალბათ, პათოსი და განწყობა იყო მიმარული იქით, რომ ჩვენ აღარასოდეს გვექნება ანტიმონოპოლიური სამსახური, რაც კონკურენტული გარემოს უზრუნვეყოფის მთავარი ინსტრუმენტია ამ კუთხით პრეზიდენტის გამოსვლა უკან გადადგმულ ნაბიჯად შეიძლება განვიხილოთ”, - განაცხადა ხუხაშვილმა.


[დავით კირვალიძე, presa.ge]
[ ... ]

ორი სენსაციური კლიპის პრეზენტაცია [video]

როგორც საზოგადოებას მოეხსენება თბილისში "საკნების"აქციის შეწყვეტის შემდეგ საპროტესტო მუხტი ზუგდიდში არ განელებულა. ხუთივე "საკნის" პატიმრები ზუსტად ხუთი თვეა "პოზიციებს ინარჩუნებენ” და სააკაშვილის "ნაშიერებს" მედგრად უმკლავდებიან.

რამდენიმე თვეა, რაც "საკნების"აქცია ვიდეო-პროექტორის ფონზე მიმდინარეობს ამით ზუგდიდელებს საშუალება აქვთ პირდაპირ ეთერში იხილონ “აკრძალული ვიდეოები”, ტელეკომპანიების “მაესტროსა” და “კავკასიის” საინფორმაციო გამოშვებები თუ თოქ-შოუები.

4 ოქომბერს კი საპროტესტო აქციის მონაწილეებმა ქალაქის შუაგულში ორი ახალი კლიპის პრეზენტაცია გამართეს.

“საკნებთან” დამონტაჟებულ პროექტორზე ადგილობრივები, მეგრელი ჩინოვნიკებისადმი მიძღვნეილ კლიპს თვალს მალულად, თუმცა დიდი ინტერესით ადევნებდნენ.

ვიდეორგოლები არც ხელისუფლებასა და ძალოვანებს გამოპარვიათ. ძვირადღირებული ავტომანქანებიდან მათი მზერა პროექტორისკენ იყო მიმართული. თავშეკავებული, მაგრამ აგრესიული რეაქციები დაბურული მინებიდანაც თვალნათლივ ჩანდა...

კადრებში თავდაცვის მინისტრი ბაჩო ახალაია, პროკურორი როლანდ ახალაია, გამგებელი ალექსანდრე ქობალია, გუბერნატორი ზაზა გოროზია, პოლიციის უფროსი თენგიზ გუნავა და სხვა ჩინოვნიკები მეგრული სიმღრების “სისის ტურას” და “არამი დო შარიქას” ფონზე გამოჩდნენ.

ოპოზიციის ერთ-ერთი ლიდერი და კლიპის შემქმნელი კახა მიქაია პრეზენტაციაზე ხელბორკილებით გამოჩნდა.

კახა მიქაია: “ცნობილი მეგრული სიმღერების “არამი და შარიქას” და “სისა ტურას” მოტივებზე დავამონტაჟეთ ორი კლიპი, სადაც გამიყენებულია პრესა.გე-ს ჟურნალისტის ნანა ფაჟავას მიერ გადაღებული კადრები, აგრეთვე სხვა დოკუმენტური ფოტო და ვიდეო მასალა. ჩვენ გვსურდა საზოგადოებისათვის კიდევ ერთხელ დაგვენახვებინა, ადგილობრივი ხელისუფლების და ძალოვანი სტრუქტურის წარმომადგენელთა ნამდვილი სახე კლიპში ყურადღება გავამახვილეთ იმ ტერორსა და უსამართლობაზე, რომელიც რეგიონშია გამეფებული.

მაშინ, როდესაც სამეგრელოში ფაქტიურად ბლოკირებულია მედიასაშუალებების უმეტესი ნაწილი და აკრძალულია ალეტერნატიული აზრის გამოთქმა, ჩვენ გადავწყვიტეთ საზოგადოებას დავანახოთ სააკაშვილის რეჟიმის უკეთურობანი და ამ ფორმით კიდევ ერთხელ დავაფიქროთ სამეგრელოში შექმნილ მძიმე ვითარებაზე.

რაც შეეხება ბორკილებს ამ ყოველივეს მხოლოდ სიმბოლური დატვირთვა აქვს, მაგრამ რეალურად მთელი საქართველო სააკაშვილის პირადი პატიმარია.
[ილია ჩაჩიბაია]
[ ... ]

ილია მეორე: “მე უნდა შევიდე სოხუმში, ნინოშვილის 13-ში” [video]

“მე უნდა შევიდე ნინოშვილის 13-ში” - ეს ფრაზა საქართველოს კათოლიკოს-პატრიარქმა ილია მეორემ ზუგდიდში, აფხაზეთიდან დევნილებთან შეხვედრისას ბრძანა. ნინოშვილის 13, სოხუმში არსებული ის ქუჩაა, სადაც მაშინ ცხუმ-აფხაზეთის მიტროპოლიტი ცხოვრობდა.

- “ის სახლი ჩვენმა ეკლესიამ იყიდა და დიდი სიყვარულით ვიხსენებ იმ დროს, როცა მე იქ ვცხოვრობდი. მოჩანდა მთელი ზღვის სანაპირო, როგორ შემოდიოდნენ გემები... ახლა სულ სხვა ვიღაც ცხოვრობს საეკლესიო სახლში. აი, ესეც კი არ დაინდეს, იქაც კი შესახლდნენ, მაგრამ ეს დროებითია, ისინი ნახავენ თავის გზას და ჩვენ დავბრუნდებით ჩვენს კერებში...” - განაცხადა კათოლიკოს-პატრიარქმა.

კინოთეატრ “ატრიუმში” გამართულ შეხვედრაზე პატრიარქმა ტერიტორიული მთლიანობის აღდგენის იმედი გამოთქვა, მაგრამ იმ განსაცდელზეც ისაუბრა, რომელიც უფალმა ქართველებზე დაუშვა.

- “აფხაზებსა და ქართველებს შორის იყო მხოლოდ სიყვარული, ურთიერთგაგება. მრავალი აფხაზი არის ჩემი ნათლული. მე ვსაყვედურებდი ჩვენს ქართველებს, ეკლესიაში რატომ არ დადიხართ-მეთქი. ისინი მპასუხობდნენ, რომ მანდარინის პლანტაციები გვაქვს, საქმე ბევრია და ამიტომ ვერ ვახერხებთო. მაგრამ მაინც საოცარი მრევლი მყავდა. მიუხედავად იმისა, რომ ნაკლებად დადიოდნენ ეკლესიაში ქართველები, ყოველ წესს ასრულებდნენ, ნათლობას, ჯვრისწერას.

და აი, ღმერთმა გამოგვიგზავნა ეს განსაცდელი იმისათვის, რომ კიდევ ერთხელ ვიფიქროთ ჩვენს სულზე... მე კარგად მესმის, რა განსაცდელი გამოიარეთ თქვენ და არანაკლები გამოიარა მთელმა საქართველომ. მე მინდა მოგახსენოთ ჩემი რწმენა და იმედი, რომ დადგება ის დრო, როცა ჩვენ ვიზეიმებთ საქართველოს მთლიანობას”, - აღნიშნა ილია მეორემ.

რუსეთის მიერ აფხაზეთისა და ე.წ. სამხრეთ ოსეთის დამოუკიდებელ სახელმწიფოებად აღიარება პატრიარქმა უდიდეს შეცდომად აღიარა. მისი თქმით, საჭიროა ამ ჩიხიდან გამოსვლა და საქართველოს გამთლიანება.

სხვა შემთხვევაში ის ხედავს, რომ აფხაზეთი იარსებებს, მაგრამ აფხაზები აღარ იქნებიან. იგი მოძმე აფხაზებს დაფიქრებისკენ მოუწოდებს და ამბობს, რომ მათ არა მარტო საქართველოს გამთლიანებაზე, არამედ საკუთარ თავზეც უნდა იფიქრონ, რადგან სხვანაირად ისინი აღარ იქნებიან მკვიდრნი თავისი სამშობლოსი.

საქართველოს კათოლიკოს-პატრიარქმა დევნილებთან შეხვედრაზე კიდევ ერთხელ ისაუბრა აფხაზეთში გარკვეული სასულიერო პირების მხრიდან ე.წ. ავტოკეფალიის მოთხოვნაზე და მას არასერიოზული უწოდა.

- “ძალიან რთულია საეკლესიო მდგომარეობა აფხაზეთში. რამდენიმე მღვდლის მიერ გამოცხადებული დამოუკიდებლობა არასერიოზულია და ჩვენ ამაზე არავითარი რეაგირება არ უნდა გავცეთ. რუსეთისა და მსოფლიო პატრიარქები, სხვა ეკლესიები ჩვენ გვიჭერენ მხარს და ცნობენ მხოლოდ ერთ დამოუკიდებელ ეკლესიას, სადაც შედის აფხაზეთი. მე იმედი მაქვს, რომ ყველაფერი მოწესრიგდება...” - ბრძანა პატრიარქმა.

19 სექტემბერი უწმინდესისა და უნეტარესის სამეგრელოში სამდღიანი ვიზიტის ბოლო დღე იყო. სამი დღის განმავლობაში მან რეგიონის ეკლესია-მონასტრები მოიარა, შეხვდა მრევლს. 18 სექტემბერს ნიკო დადიანისეულ სასახლეში შეხვედრისას მან ხუთი ზუგდიდელი ეკლესიის უმაღლესი ჯილდოთი, წმინდა გიორგის ოქროს მედლით დააჯილდოვა.

დაჯილდოებულთა შორის არიან ცნობილი ლოტბარი და შემსრულებელი პოლიკარპე ხუბულავა, ზუგდიდის მუზეუმის დირექტორი ლილი ბერაია, საოლქო პროკურორი როლანდ ახალაია და ყოფილი პრემიერ-მინისტრი ოთარ ფაცაცია.

19 სექტემბერს უწმინდესმა და უნეტარესმა ილია მეორემ ზუგდიდის ვლაქერნის ღვთისმშობლის ხატის სახელობის საკათედრო ტაძარში წირვა-ლოცვა აღავლინა, სადაც ათასობით მართლმადიდებელ ქრისტიანს საშუალება ჰქონდა ასევე მთხვეოდა ღვთისმშობლის კვართს, რომელიც საგანგებოდ პატრიარქის ვიზიტთან დაკავშირებით მუზეუმიდან გამოაბრძანეს.

საკათედრო ტაძარში უწმინდესმა და უნეტარესმა ზუგდიდელებს ორი მნიშვნელოვანი გადაწყვეტილების შესახებაც აუწყა - ზუგდიდში სულიერებისა და კულტურის ცენტრი გაიხსნება და აშენდება სრულიად საქართველოს კათოლიკოს-პატრიარქის რეზიდენცია.
[ნანა ფაჟავა, ზუგდიდი]

[ ... ]

September 6, 2009

ვლადიმერ ვახანიას პროცესზე მოწმე დააკავეს... [video]

[ ... ]

პარტია „თავისუფლება“ დაიშალა? [video]

პარტია „თავისუფლების" ოფისის 17-მა თანამშრომელმა და პრესმდივანმა პარტია დატოვა. თანამშრომელთა წასვლის მიზეზად სანდრო ბრეგაძე ინტერპრესნიუსთან საუბარში ფინანსურ პრობლემებს ასახელებს. პრესმდივანი ავალიშვილი დეტალებზე საუბრისგან თავს იკავებს, თუმცა ამბობს რომ პარტიის ოფისის დატოვება ერთ დღეში მიღებული გადაწყვეტილება არ ყოფილა და ის დროთა განმავლობაში მწიფდებოდა. სანდრო ბრეგაძე კომენტარისთვის მიუწვდომელია.
კადრები ეკუთვნის itv–ს




[ ... ]

სამეგრელოში ოპოზიციური მუხტი მატულობს...[video]

ზუგდიდის ცენტრში განთავსებულ 4 „საკანს“ კიდევ ერთი შეემატა, რომელშიც ოპოზიციის 4 მომხრე ჩაჯდა. ალექსანდრე მოლაშხია, მანუჩარ მალანია, ირაკლი თორდია და რამაზ მოლაშხია აცხადებენ, რომ ზუგდიდში არსებული ტერორი გაუსაძლისი ხდება, და ისინი ამ ნაბიჯით ცდილობენ ხელი შეუწყონ საზოგადოებაში შიშის სინდრომის გატეხვას.

შეგახსენებთ, რომ ზუგდიდში „საკნების“ საპროტესტო აქცია უკვე ოთხთვეზე მეტია მიმდინარეობს. თბილისისგან განსხვავებით, ოპოზიციის ლიდერების თქმით, სამეგრელოში, პროტესტის ამ ფორმას თავისი მნიშვნელობა ჯერ არ დაუკარგავს.

როგორც „საკნის“ პირველი „პატიმარი“ კახა მიქაია ამბობს, „ბრძოლა სააკაშვილის რეჟიმის დასრულებამდე გაგრძელდება“...


[ ... ]

August 24, 2009

ზუგდიდის გამგებელის მანქანის ქვეშ ქალი შეძვრა [video]

22 აგვისტოს, შუადღისას ზუგდიდის მუნიციპალიტეტის გამგეობის წინ შეკრებილი მოსახლეობის ყურადღება ერთმა მეტად მნიშვნელოვანმა ფაქტმა მიიპყრო. გამგებელ ალექსანდე ქობალიას 50 000 დოლარიანი ავტომანქანის ქვეშ ახალგაზრდა ქალბატონი ლიკა შენგელია შეძვრა და მისმა მოთქმა-გოდებამ ქალაქი მოიცვა. შემთხვევის ადგილზე მისულ ჟურნალისტებს გამგეობის წინ 20-მდე პოლიციელი და სასწრაფო დახმარების ბრიგადა დაგვხვდა. ქალბატონი კონტაქტზე არ გამოდიოდა, ტიროდა და გაიძახოდა “ალიკა ჩამოვიდეს და დამელაპარაკოს”-ო.



კადრები ეკუთვნის presa.ge–ს


ილია ჩაჩიბაია


[ ... ]

August 22, 2009

ზუგდიდში მეგრული ენის აღიარებას ითხოვენ... [video]

  • ღია წერილი საქართველოს პრეზიდენტს, ბატონ მიხეილ სააკაშვილს!

ბატონო მიხეილ,
  როგორც მოგეხსენებათ, სამეგრელოს რეგიონი დასახლებულია ხალხით, რომელთა სასაუბრო რეგიონალურ ენას წარმოადგენს მეგრული. 
  ევროსაბჭოში გაწევრიანებისას 1999 წელს საქართველომ აიღო ვალდებულება ერთი წლის განმავლობაში ხელი მოეწერა რეგიონალურ ან ეროვნულ უმცირესობათა ენების შესახებ ევროპულ ქარტიისათვის და მოეხდინა მისი რატიფიცირება. თუმცა 10 წლის გასვლის შემდეგაც, ქარტია არ არის რატიფიცირებული და ეს საკითხი საზოგადოებაში არც განხილულა.  


 

ვრცელი ტექსტი>>>

<<<უკან



[ ... ]

„ავისმომასწავებელი“ სიუჟეტი [video]

მთავრობაში დაპირისპირება გრძელდება... განხეთქილება გამწვავდა... ეს ტერმინოლოგია ტელეკომპანია „იმედის" მთავარ საინფორმაციო გამოშვებაში წამყვანებმა პირველი სიუჟეტის წარდგენისას გამოიყენეს. „ქრონიკამ" მაყურებელს ნიკა გილაურსა და ლაშა ჟვანიას შორის დაპირისპირების შესახებ უამბო. ენერგეტიკის მინისტრის სახით სკანდალს მესამე გმირიც ჰყავს. განხეთქილების საბაბი სამცხე-ჯავახეთში ჰესის მშენებლობაა, მაგრამ თემაზე მეტად აქ საინტერესო სხვა რამაა - ნაციონალურ არხზე მთავრობაში დაპირისპირების შესახებ სიუჟეტი დიდი ხანია არ მომზადებულა (ან ეთერში არ გაუშვიათ). არ არის გამორიცხული ფონის შესაქმნელად თემის ახლა გააქტიურება მინისტრთა კაბინეტში ცვლილებებს მოასწავებდეს.

[წყარო:იმედი, itv]

<<<უკან

[ ... ]

August 20, 2009

ძალადობა ვანოს სახელით [video]

[18.08.2009 19:26] ზუგდიდის რაიონულ სასამართლოში აკადემიკოს ვლადიმერ ვახანიას სასამართლო პროცესი განახლდა. შეგახსენებთ, რომ სამი თვის წინ ვახანიას, საცხოვრებელი სახლიდან სამართალდამცავებმა ცეცხლსასროლი იარაღი ამოიღეს, ჩხრეკის მიზეზი კი ჟურნალისტ ლელა ხუბულავასთვის პროფესიულ მოვალეობაში ხელის შეშლის ფაქტი გახდა.
ვლადიმერ ვახანია, რომელიც რუსეთში მოღვაწეობდა და საკმაოდ მდიდარი ბიზნესმენის სახელით სარგებლობს, საქართველოში ოპოზიციური პარტიის ჩამოყალიბებას გეგმავდა. როგორც მისი ახლობლები აცხადებენ ბიზნესმენის დაკავების ნამდვილი მიზეზი სწორედ ეს გახდა.
აკადემიკოსი ვახანია არასამთავრობო ორგანიზაციათა კოლიცია „საზოგადოებრივმა დამცველმა“ უკვე აღიარა პოლიტიკურ პატიმრად.
18 აგვისტოს გამართული 6 საათიანი სასმართლო პროცესი გაურკვეველი ვადით გადაიდო. მიუხედავად ეჭვმიტანილის ჯანმრთელობის მძიმე მდგომარეობისა, ის დაუყოვნებლივ გადაიყვანეს თბილისის ორთაჭალის ციხეში.
პროცესის დასრულების შემდეგ ზუგდიდის პოლიციის თანამშრომლებმა სიტყვიერი და ფიზიკური შეურაცხყოფა მიაყენეს შეკრებილებს და ჟურნალისტებს, რომლებიც პროფსიულ მოვალეობას ასრულებდნენ... დაპირისპირების მიზეზი გახდა ვახანიას დის სურვილი დედაქალაქში გადაყვანამდე, მისი ძმისთვის სამედიცინო დახმარება აღმოეჩინათ „03“–ის თანამშრომლებს.
„ღია ბოქლომის“ თანამშრომლებმა მოძალადე პოლიციელთა სახის გადაღება შესძლეს.


[ ... ]

ვახანიას სასამართლო პროცესი ხმაურით დასრულდა [video]

ჟურნალისტური საქმიანობისთვის ხელის შეშლისა და ცეცხლსასროლი იარღის უკანონო შენახვის ბრალდებით ხუთი თვის წინ დაკავებული აკადემიკოსი ვლადიმერ ვახანია კვლავ პატიმრობაში რჩება.

ამის შესახებ გადაწყვეტილება მოსამართლე დავით კეკენაძემ ზუგდიდში გამართულ სასამართლო პროცესზე მას შემდეგ მიიღო, რაც დაცვის მხარის მიერ წარმოდგენილი შუადგომლობების არც ერთი პუნქტი არ დაკმაყოფილდა.

ზუგდიდის რაიონულმა სასამართლომ არც ვახანიას ჯანმრთელობის მდგომარეობა გაითვალისწინა და მისი სტაციონარში გადაყვანის მოთხოვნაც არ დააკმაყოფილა. ხმაური, რომელიც სასამართლო დარბაზიდან დაიწყო და შენობასთან გაგრძელდა, სწორედ ვახანიას ჯანმრთელობის გაუარესებას მოჰყვა.  

[ ... ]

August 17, 2009

სასაცილო დეპუტატი [video]

ერთიანი ეროვნული საბჭოს წევრი კახა კუკავა, მმართველი პარტიის ხობში მაჟორიტარი დეპუტატობის კანდიდატს გოდერძი ბუკიას კანონდარღვევაში ადანაშაულებს და მოითხოვს მისი არჩევნებიდან მოხსნას, ხოლო სამეგრელოს რეგიონში პრეზიდენტის რწმუნებულის ზაზა გოროზიას 2’000 ლარით დაჯარიმებას.

უკან

[ ... ]

August 13, 2009

ნიკა პაჭკორიას ჯანმრთელობის მდგომარეობა სტაბილურია [video]

30 ივლისს კონსტიტუციური უსაფრთხოების დაცვის შენობასთან ნაცემი ოპოზიცუიის წევრის ჯანმრთელობის მდგომარეობა სტაბილურია.
შეგახსენებთ, რომ გუშინ თავს დაესხნენ ნიკა პაჭკორიას, რომელიც უკვე 3 თვეა ზუგდიდის ცენტრში განთავსებული საკნებიდან ერთ–ერთში ზის. პაჭკორია, "კუდ"–ის შენობასთან ხუთმა გაურკვეველი ვინაობის პიროვნებამ სასტიკად სცემა. ადგილზე საპატრულო პოლიცია ნახევარი საათის დაგვიანებით გამოცხადდა, დაშავებული გადაყვენილ იქნა ზუგდიდის "წმინდა ლუკას" სახელობის საავადმყოფოში. სადაც მას პირველადი სამედიცინო დახმარება გაუწიეს.  
შემთხვევის ადგილთან ახლოს "ღია ბოქლომის" და "პრესა.ჯი"–ს ჟურნალისტებმა, თავდამსხმელთა სახის გადაღება მოახერხეს, თუმცა აღნიშნული კადრებით საპატრულო პოლიცია არ დაინტერესდა.

[ ... ]

ზუგდიდის “საკნის პატიმრები” „მიშა მაგარიას“ ამღერებენ [video]

ზუგდიდის „საკნის პატიმრებმა“ ახალი კლიპის „მიშა მაგარია?“–ს პრეზენტაცია ქალაქის შუაგულში გამართეს. ვიდეო–პროექტორზე ზუგდიდელები „მიშა მაგარია“–ს „განახლებულ“ ვარიანტს ისმენდნენ. საკნების აქციის მონაწილეებმა კლიპი საგანგებოდ დაამონტაჟეს, ტექსტი და მუსიკა იგივე დარჩა. ცნობილ კადრებში მიხეილ სააკაშვილი გაქცევითა და ჰალსტუხის ღეჭვით გამოჩნდა.

შეგახსენებთ, რომ ზუგდიდში საკნების აქცია შადრევანზე აცეკვებული “მიშა მაგარიას” ფონზე დიდი ხნის განმავლობაში მიმდინარეობდა. საკნის “პატიმრები” ამ სიმღერას დღე-ღამის განმავლობაში თითქმის განუწყვეტლივ ისმენდნენ.
“ჩვენ, მოსახლეობას დავანახეთ მიხეილ სააკაშვილის ნამდვილი სახე და ზუგდიდელ ჩინოვნიკებს და საზოგადოებას ვაჩვენეთ, თუ როგორი „მაგარია“ პრეზიდენტი სააკაშვილი “– აცხადებს კახა მიქაია.
 დიდ ეკრანზე კლიპის გამოჩენამ სამართალდამცავთა დაბნეულობა გამოიწვია...
[ ... ]

ომში დაზარალებულები შეიარაღებულმა სპეცრაზმმა გამოყარა [Video]

შიდა ქართლის გუბერნიის შენობიდან აგვისტოს ომით დაზარალებულები АКС-ის ტიპის ავტომატებით შეიარაღებულმა სპეცრაზმმა გამოყარა. 

8 აგვისტოს, როცა მთელი ქვეყნის მასშტაბით აგვისტოს ომის წლისთავი აღინიშნებოდა, გორის რაიონის ორი სოფლის – ფლავისა და ფლავისმანის მოსახლეობა გუბერნატორ ლადო ვარძელაშვილთან ითხოვდა შეხვედრას, სოციალური და სხვა პრობლემების გასაზიარებლად. 
ორივე სოფელი ცხინვალის კონტროლირებად ტერიტორიას ესაზღვრება. მოსახლეობის განცხადებით, გუბერნატორის მდივანმა მათ განუცხადა, რომ ვარძელაშვილი ადგილზე არ იმყოფებოდა.

როცა ხალხმა მოითხოვა, რომ მდივნის ნათქვამი საკუთარი თვალით ენახა, გუბერნატორის თანაშემწემ მოსახლეობას განუცხადა – ”შეგიძლიათ, ტუალეტშიც ნახოთ”...
საბა წიწიკაშვილი

[ ... ]

August 4, 2009

ზუგდიდის პოლიცია გარემოვაჭრეებს ფიზიკურად გაუსწორდა[video]

პოლიციისა და გარემოვაჭრეების ორდღიანი დაპირისპირება ფიზიკური ანგარიშსწორებით დასრულდა. პოლიციელების მიერ ნაცემია ექვსამდე ქალბატონი და საკნების აქციის ორი მონაწილე. 2 აგვისტოს კი გარევაჭრობის აკრძალვის მიზნით ჩატარებული სპეცოპერაციის შედეგად 26 წლის ნინო ჯობავამ მარცხენა თვალის მძიმე დაზიანება მიიღო. იგი იმავე დღეს ქუთაისის სამედიცინო ცენტრში გადაიყვანეს. ვრცელი ტექსტი>>




ნანა ფაჟავა
[ ... ]

August 1, 2009

პატრულის “გზავნილი სამეგრელოდან... ოპოზიციას რა? დედის...!”[video]

მაშინ, როცა სამეგრელოს მოსახლეობა საპროტესტო ტალღამ კი არა, შიშმა მოიცვა, როცა სააკაშვილის ხელისუფლების წინააღმდეგ საზოგადოება პროტესტის გამოხატვასაც ვერ ბედავს და დუმილს არჩევს, შსს სამინისტროს ჩინიანი თუ უჩინო მოხელეები “უჩვეულოდ” გააქტიურდნენ. “თავისუფალი აზრის გამოხატვის” საშუალება ზუგდიდის საპატრულო სამსახურს გასულ შაბათს მათივე თანამშრომლის ქორწილში მიეცათ... ვრცლად>>
[ ... ]

July 30, 2009

გოროზიას “ვნებათაღელვანი” მთავრობის სხდომაზე [Video]

ზუგდიდში გამართული აფხაზეთის მთავრობის გაფართოებული სხდომა ხმაურით მიმდინარეობდა. იგი იმ რეპლიკებს მოჰყვა, რომელიც კინოთეატრ “ატრიუმის” დარბაზში შეკრებილი დევნილებისა და ტრიბუნაზე მყოფი მთავრობის წევრებისგან ისმოდა.

აფხაზეთის მთავრობის განახლებული შემადგენლობის წარდგენის შემდეგ მისმა ახალმა თავმჯდომარემ, გიორგი ბარამიამ დევნილებს პრობლემებზე საუბარი სთხოვა. ხმაურიც სწორედ გალიდან დევნილ იური კაკავას გამოსვლას მოჰყვა.

საგანგებოდ მომზადებული ტექსტის წაკითხვა კაკავას პირველად მთავრობის თავმჯდომარემ მაშინ შეაწყვეტინა, როცა გამომსვლელი საკუთარ ქვეყანაში დევნილად ქცეულების ყოფაზე, რუსულ ოკუპაციასა და აფხაზეთში დაბრუნების სურვილზე საუბრობდა. გიორგი ბარამიამ დევნილ კაცს “კომუნისტური გამოსვლისგან” თავის შეკავება და პირდაპირ პრობლემურ საკითხებზე საუბარი ურჩია.

იური კაკავას მიერ მთავრობის სხდომაზე დასმული საკითხები კი ასეთი იყო: “მისასალმებელია, რომ 16 წლის მანძილზე აფხაზეთის მთავრობა პირველად ჩამოვიდა ზუგდიდში. აქ დევნილების უმრავლესობა გაუსაძლის პირობებში ვცხოვრობთ. ყველაზე რთული მდგომარეობა უმუშევრობის გამო გვაქვს. შემწეობის თანხით, რომელიც 28 ლარს შეადგენს უბრალო წამალსაც ვერ ვიყიდით. 85 ლარიანი პენსიით კი შეიძლება შეიძინო ერთი ტომარა ფქვილი და ზედ კილონახევარი ყველი მიაყოლო. ლობიოს თუ იყიდი 4 ლარად, ეს ხომ ბედნიერებაა. შაქარი და პური გაძვირდა. სიმინდის ფასი გაიზარდა”...

დევნილთა საცხოვრებელს ზოგან აწვიმს, არ არის სასმელი წყალი, კანალიზაცია უვარგისია, სახურავი და ფანჯრები შესაცვლელია. გათბობის პრობლემა 6 წლის წინ უკეთ გვარდებოდა, შეშის ვაუჩერი სრულიად გამოუყენებელია... სათანადოდ უნდა დაფასდეს დევნილი პედაგოგებისა და ექიმების შრომა...

– ”თბილისის ზოოპარკში თითოეული ცხოველის შესანახად 300-350 ლარია გამოყოფილი, ევროპაში უპატრონო ძაღლების მოსავლელად – 400 ევრო, ხოლო საქართველოში ადამიანის, ანუ დევნილის შესანახად 28 ლარია გამოყოფილი. ჩვენ მხოლოდ საარსებო მინიმუმს ვითხოვთ. გვეყო 16-წლიანი არაადამიანური ცხოვრება!”.

კაკავას ამ ბოლო ფრაზებმა დარბაზში დიდი ოვაცია და ტაში გამოიწვია. სამაგიეროდ ტრიბუნაზე მყოფი მთავრობა შეშფოთდა. მიკროფონს ხელი უკვე მეორედ გუბერნატორმა სტაცა. დევნილთა სოციალური უკმაყოფილების ჩასახშობად მან ნაცადი “ნაციონალური ხრიკი” გამოიყენა.

ზაზა გოროზია: “ჩვენ, აქ ამ პოლიტიკურ გამოსვლებს ვერ მოვისმენთ!”
დარბაზი: “რა არის აქ პოლიტიკური?”
გოროზია: “მე ვიცი რასაც ვლაპარაკობ!”
დარბაზი: “ჩვენს გაჭირვებაზე ვამბობთ მხოლოდ.”
იური კაკავა: “ხომ უნდა ვთქვათ რა მდგომარეობაში ვართ? კარგი, თუ არ არის საჭირო...”
გიორგი ბარამია: “ჩვენც ამისთვის ჩამოვედით აქ”...
დარბაზი: “გაანებე თავი, რა აზრი აქვს რამის თქმას, ვინ არიან კაცო ესენი”...
გოროზია: “თუ შეიძლება ვისაუბროთ პრობლემებზე, პოლიტიკური განცხადებებისგან თავი შევიკავოთ”.
იური კაკავა: “რომელია აქ პოლიტიკური განცხადება მე ვერ გავიგე კაცო. რა მდგომარეობაში ვიმყოფებით დევნილები იმაზე ვსაუბრობ...”
გოროზია: “ამას მე გეტყვით ჩემს პასუხში.”
იური კაკავა: “ჩვენ ყველანი მივესალმებით გია ბარამიას დანიშვნას, იმიტომ, რომ...”
გოროზია: “აი, ეს არის მთავარი...”
იური კაკავა: “ბარამიამ გამოიარა დევნილობა. მისი მამის გულმა ვერ გადაიტანა ეს დევნილობა და აქ დავკრძალეთ... ეს მთავრობა გიას ხელმძღვანელობით ყველაფერს გააკეთებს”...
გოროზია: “მოდი რა, არ ჯობდა ეს წერილი გადაგეგდო და გულიდან რასაც ლაპარაკობ ის თავიდანვე გეთქვა? ვიღაცის დაწერილს რომ გვიკითხავ ახლა?”
დარბაზი: “ტყუილია, ტყუილია, თვითონ დაწერდა. მოხუცი განათლებული კაცია”...

ეს იყო ის დიალოგი, რომელიც დარბაზში შედგა. მის გარეთ კი Presa.ge შეეცადა თავად აფხაზეთის მთავრობის ხელმძღვანელისგან მოესმინა შეფასებები, იყო თუ არა დევნილის სიტყვებში პოლიტიკური განცხადებები. გიორგი ბარამიამ ჟურნალისტის კითხვას პირდაპირი პასუხი არ გასცა:

– “ჩვეულებრივი მომენტია, ხალხს მძიმე პირობებში უწევს ცხოვრება. მე კი არა ანგელოზი რომ მოვიდეს”...

პოლიტიკური განცხადებები გაკეთდა თუ არა დარბაზში?
– კიდევ ერთხელ გეუბნებით, რომ აქ იყო სოციალური საკითხები და გამომდინარე აქედან იყო გამოწვეული ვნებათაღელვა, მარა თუ თქვენ ამას პოლიტიკურ განცხადებად ჩათვლით, თქვენი პრობლემაა.

ეს ჟურნალისტს არ უთქვამს, გუბერნატორმა ბრძანა
– ამიტომ კიდევ ერთხელ გეუბნებით, ჩემი აზრით არ გაკეთებულა. ეს ყველაფერი იყო ვნებათაღელვა... დანარჩენი ჰკითხეთ გუბერნატორს.

გუბერნატორს Presa.ge-მ მართლაც ჰკითხა, მაგრამ გოროზია ინტერვიუს უხმოდ “გაექცა” და დარბაზში გაუჩინარდა. მან კომენტარი მხოლოდ ტელევიზიებისთვის გააკეთა. მისთვის დარბაზში მომხდარი ინციდენტის შესახებ არავის უკითხავს.

სამთავრობო სხდომიდან გამოსული დევნილები ამბობდნენ, რომ გოროზიას დევნილების შეურაცხყოფისთვის ”ოდესმე აუცილებლად მოეთხოვება” და ”ვნებათაღელვა დღეს არა დევნილებს, არამედ მთავრობას ჰქონდა”...

[ნანა ფაჟავა, ზუგდიდი. presa.ge]

უკან

[ ... ]

მიჰაილ მეფის და მისი ვეზირების წარსული დიდ ეკრანზე... [video]

26 ივლისს, საღამოს, ზუგდიდის ცენტრში განთავსებულ საკნებთან ხალხმრავლობა იყო. ოპოზიციის წარმომადგენლებმა, ქალაქში დიდი ეკრანი დაამონტაჟეს, სადაც შეკრებილებს სხვადასხვა დოკუმენტური ფილმები წარუგდინეს, აგრეთვე მოსახლეობამ იხილა სწორედ ის კადრები, რომლებიც ოპოზიციის ერთ–ერთი ლიდერის კახა მიქაიას თქმით, ცენტრალური არხებით არასოდეს გადაიცემა. მოგვიანებით მონიტორზე ინტერნეტის საშუალებით ტელეკომპანია „მაესტროს“ და „კავკასიას“ საინფორმაციო გამოშვებები ჩაირთო, რომელსაც შეკრებილი საზოგადოება დიდი ყურადღებით ადევნებდა თვალს.
აღნისნულ აქციას, რომელიც ოპოზიციის თქმით პერმამენტულ ხასიათს მიიღებს, სამართალდამცავი უწყებების გაღიზიანება მოჰყვა. კახა მიქაია და მისი თანამოაზრეები სიტყვიერი შეურაცყოფის მიყენებაში ადანაშაულებენ ზუგდიდის პოლიციის თანამშრომლებს, მათი თქმით განსაკუთრებით აქტიურობდა პოლიციის უფროსის მოადგილე ზაზა ხასაია, ეს უკანასკნელი კი ჩვენთან საუბრისას ბრალდებას უარყოფს და აცხადებს, რომ გუშინ ზუგდიდში საერთოდ არ იმყოფებოდა.



[ ... ]

ირაკლი ალასანიამ ზუგდიდის საკნები მოინახულა [video]

ახლადშექმნილი პარტიის „ჩვენი საქართველო - თავისუფალი დემოკრატები“-ს ლიდერი ირაკლი ალასანია 29 ივლისს ზუგდიდს ეწვია, მან ქალაქის ცენტრში არსებული საკნები მოინახულა და იქ შეკრებილ მოსახლეობას შეხვდა. მოგვიანებით ალასანია საკნის პატიმარს კახა მიქაიას გაესაუბრა, პოლიტიკოსებმა აღნისნეს, რომ ზუგდიდში არსებული ტერორი უკვე გაუსაძლისი ხდება და აუცილებელია შიშის სინდრომის გატეხვა. შეხვედრის დასრულების შემდეგ ალასანიამ და მიქაიამ პრესისთვის კომენტარი გააკეთეს.
კადრები გადაღებულია "პრესა.ჯი"–ს კორესპონდენტის ნანა ფაჟავას მიერ.
[ ... ]

July 16, 2009

ახალგაზრდული “შემოგვიერთდით” ზუგდიდში ჩავიდა [video]

გასვლითი საპროტესტო აქციების დაწყებიდან მეექვსე დღეს ახალგაზრდულმა გაერთიანებამ “შემოგვიერთდით” ბათუმიდან ზუგდიდში გადაინაცვლა. სამეგრელოში ისინი მცირე ჯგუფით ჩავიდნენ და საინფორმაციო ვიზიტი დაარქვეს. ახალგაზრდები ზუგდიდში განთავსებული საკნების “პატიმრებს” შეხვდნენ, მხარდაჭერა გამოუცხადეს და ქალაქის ქუჩებში საპროტესტო პლაკატები გააკრეს.











[ ... ]

June 24, 2009

ფარული ვიდეოჩანაწერი ბერლინში[video]

კომპრომატების ომი გრძელდება.youtube.com კახა თარგამაძის, ლევან გაჩეჩილაძისა და დავით გამყრელიძის შეხვედრის კადრებს ავრცელებს. ვიდეოს ავტორის მონაცემებით, შეხვედრა 15-დან 18-ტ ივნისამდე ბერლინში, სასტუმრო კემპინსკშია გადაღებული, რომელიც გერმანიაში რუსეთის საელჩოსთან მდებარეობს. მისივე ცნობით, თარგამაძე ამჟამად რუსეთის დაზვერვაში მუშაობს. ეს კადრები, რომელიც საიტზე ottolimberg2714-მა განათავსა, ავტორის პირველი ვიდეოა.

უკან

[ ... ]

June 22, 2009

ძლიერ ქარს ზუგდიდში მსხვერპლი მოყვა[video]

ზუგდიდში ამოვარდნილმა გრიგალმა მთავარ ხეივანში ჭადრის ხე ფესვიანად ამოგლიჯა, რომელიც ფეხით მოსიარულე 62 წლის ქალბატონს დაეცა. ნაზი აკობია სხეულზე მიღებული მძიმე დაზიანებების შედეგად ადგილზე გარდაიცვალა. ქალაქის ცენტრალურ საავადმყოფოში გადაიყვანეს კიდევ ერთი ქალბატონი, რომელიც მომხდარის ნახვით შოკურ მდგომარეობაში ჩავარდა.

უბედურ შემთხვევას გადაურჩა ლუიზა კვარაცხელიაც, რომელსაც ხის რყევის ხმა ზურგიდან შემოესმა და გაქცევა სცადა.

ლუიზა კვარაცხელია: “როგორც კი ზურგს უკან ხის ჭრიალი შემომესმა, ნაბიჯებს ავუჩქარე, რათა მალე გავცლოდი ხეივნის ტერიტორიას. შუა ქუჩამდე რომ მივაღწიე, უკან მოვიხედე და ჩემს უკან მომავალი ქალი ვეღარ ვნახე... ის უკვე ჭადრის ხის ქვეშ იყო მოქცეული. ვყვიროდი, ადამიანებს ვუხმობდი, რომ ქალს დახმარებოდნენ”.

შემთხვევის ადგილზე პოლიციისა და საპატრულო სამსახურის ჯგუფები 1 საათის განმავლობაში მუშაობდნენ.

ძლიერი ქარმა ზუგდიდში კიდევ რამდენიმე ხე ამოძირკვა, რამაც ელექტროგადამცემი ხაზების დაზიანება გამოიწვია. 2 საათის განმავლობაში ქალაქის დიდ ნაწილს ელექტროენერგია არ მიეწოდებოდა.

უკან

[ ... ]

ზუგდიდში მეოთხე საკანი გამოჩნდა[video]

ზუგდიდში, საპროტესტო აქციის დაწყებიდან 48-ე დღეს გაერთიანებულმა ოპოზიციამ მეოთხე საკანი დადგა. საკნების აქციას კონსერვატიული პარტიის წარმომადგენლები შეუერთდნენ.

“პატიმრებს” საკნის გადმოტანა “დისლოკაციის” ადგილზე ამჯერად ხელებით მოუხდათ, რადგან სატვირთო ავტომანქანის მძღოლებმა მომსახურეობაზე უარი ზეწოლის გამო თქვეს.

საკანი 139 დღეს კონსერვატორებმა სულხან ქარაიამ და დემნა ხუბუამ დაიკავეს. საკნის “პატიმრები” სხვა ოპოზიციურ პარტიებსაც მოუწოდებენ, რომ ზუგდიდში არსებული ტერორის მიუხედავად საპროტესტო აქციას შემოუერთდნენ.

კახა მიქაია: “საკნების გადმოტანა ავტომანქანით იმიტომ ვერ მოვახერხეთ, რომ პატრულმა და სამხარეო პოლიციამ მძღოლები დაატერორა და სატვირთო მანქანების ჩამორთმევით დაემუქრა. ამიტომ პრობლემა თავადვე მოვხსენით, საკანი ავაწყვეთ და შიშველი ხელებით გამგეობის წინ გავატარეთ...

სააკაშვილის ხელისუფლების ის ნაწილი, რომელიც ასოცირდება ტერორთან, გაყალბებასთან, ადამიანის უფლებების დარღვევასთან, მთლიანად სამეგრელოშია კონცენტრირებული. ამიტომ, არის აქ ასეთი ტოტალური შიში, მაგრამ ის გატყდება. დარწმუნებული ვარ, რომ სწორედ ზუგდიდში განიცდის პირველ მარცხს სააკაშვილის ფაშიზმი”.

გაერთიანებული ოპოზიცია საკნების რიცხვის გაზრდას მომავალი კვირიდან გეგმავს. ასევე იგეგმება პერმანენტული საპროტესტო აქციები ყველა იმ სახელმწიფო დაწესებულებებთან, რომლებიც ოპოზიციურად განწყობილი ადამიანების მიმართ მიზანმიმართულ ტერორს ახორციელებენ.

უკან

[ ... ]